वीरगंज | पर्सा जिल्लाको निर्वाचन क्षेत्र नम्बर–४ अन्तर्गत छिपहरमाई गाउँपालिकाको वडा नम्बर-४ मा जनता समाजबादी पार्टी नेपाले आज आयोजना गरेको घरदैलो कार्यक्रम उत्साहपूर्ण रूपमा सम्पन्न भएको छ। कार्यक्रमको क्रममा उर्लिएको जनसागर, आम नागरिकको स्वतःस्फूर्त सहभागिता र समर्थनले स्थानीय राजनीतिक माहोल झनै तातिएको देखिएको छ।
घरदैलोका क्रममा जसपाका प्रतिनिधिसभा सदस्य उम्मेदवार डा.कृपासिन्धु चौधरीलाई स्थानीयवासीले खुलेर साथ, समर्थन र आशिर्वाद दिएका छन। “भाषण होइन, काम चाहियो” भन्ने स्पष्ट नारासहित अघि बढिरहेका चौधरीको विकासमुखी सोच, युवामैत्री भिजन र व्यवहारिक योजनाको स्थानीयस्तरमै कदर भएको देखिएको छ।
स्थानीय नागरिकहरूसँगको प्रत्यक्ष संवादमा चौधरीले क्षेत्रको समग्र विकास, रोजगारी सिर्जना, शिक्षा–स्वास्थ्यको गुणस्तर सुधार, पूर्वाधार विस्तार तथा सुशासनप्रतिको प्रतिबद्धता दोहोर्याएका थिए। उनका यी योजनाले विगतको निराश राजनीतिबाट दिक्क भएका मतदातामा नयाँ आशा जगाएको स्थानीयको प्रतिक्रिया छ।
घरदैलो कार्यक्रममा सहभागी सर्वसाधारणले “अब परिवर्तन चाहियो”, “पुरानै अनुहार होइन, नयाँ सोच र काम गर्ने प्रतिनिधि चाहियो” भन्दै चौधरीप्रति विश्वास व्यक्त गरेका छन। यसले पर्सा–४ मा परिवर्तनको पक्षमा जनमत बलियो बन्दै गएको संकेत देखिएको छ।
फागुन २१ गते हुने प्रतिनिधिसभा निर्वाचन नजिकिँदै जाँदा छिपहरमाई–४ मा देखिएको जनउत्साहले जसपा र उम्मेदवार चौधरीको स्थितिलाई थप मजबुत बनाएको छ। बढ्दो जनसमर्थन र स्थानीय स्तरमा प्राप्त विश्वासका आधारमा यस निर्वाचनबाट पर्सा–४ को राजनीतिक मुहार फेरिने सम्भावना प्रबल बन्दै गएको देखिन्छ। घरदैलो कार्यक्रममा |
पुर्व मन्त्री उर्जा सिचाइ तथा खानेपानी मन्त्रालय मा.सिंगासन साह कलकार, रामपुकार यादव, इन्द्राशन साह कलवार, सचिन सिंह,हिमान्चल कुश्वाहा, रामसीश कुशवाहा लगाएत धेरै जना पार्टीका कजकर्ताहरुको सहभागी रहेको थियो।
