नयाँ दिल्ली । भारतको छत्तीसगढ राज्यमा सुरक्षाकर्मी र सशस्त्र नक्सली समूहसिबच भएको दोहोरो भिडन्तमा दुई जना नक्सलीको ज्यान गएको प्रहरी स्रोतले जानकारी दिएको छ ।

यो भिडन्त रायपुरदेखि करिब २७१ किलोमिटर दक्षिणतर्फ रहेको नारायणपुर जिल्लाको अभूजमाड जङ्गल क्षेत्रमा बिहीबार भएको हो । घटनामा संलग्न सरकारी पक्षका सुरक्षाकर्मीहरू प्रहरी तथा अन्य बलहरूको संयुक्त टोली थिए ।

एक वरिष्ठ प्रहरी अधिकृतले जानकारी दिनुहुँदै भने, “घटनास्थलबाट दुई जना मृतक नक्सलीको शव र दुईवटा बन्दुक बरामद गरिएको छ। अहिले पनि उक्त क्षेत्रमा खोज तथा सुरक्षात्मक कार्य जारी छ।”

उक्त अपरेशन विशिष्ट गोप्य सूचनाको आधारमा प्रारम्भ गरिएको हो, जसमा सो क्षेत्रमा नक्सलीहरूको उपस्थिति रहेको जनाइएको थियो ।