पर्सा | नेकपा एमाले बहुदरमाई नगर कमिटीको दोस्रो नगर अधिवेशन आज भव्य रूपमा सम्पन्न भएको छ। अधिवेशनले सर्वसम्मत निर्णयका आधारमा प्रमोद कुशवाहाको नेतृत्वमा ४५ सदस्यीय नयाँ नगर कमिटी गठन गरेको हो।

कार्यक्रमको बन्द सत्रमा प्रमुख अतिथि रूपमा सहभागी नेकपा एमालेका केन्द्रीय सदस्य तथा संघीय मामिला तथा सामान्य प्रशासन मन्त्री माननीय राजकुमार गुप्ताज्यूले नव-निर्वाचित सम्पूर्ण पदाधिकारी तथा सदस्यहरूलाई सपथ ग्रहण गराएका थिए।

सपथ पश्चात मन्त्री गुप्ताले नयाँ नेतृत्वलाई बधाई तथा सफल कार्यकालको शुभकामना व्यक्त गर्दै जनताको विश्वास जित्न सक्रिय, जिम्मेवार र सेवा-केन्द्रित भूमिकामा लाग्न आग्रह गर्नुभएको थियो।

कार्यक्रममा पार्टीका विभिन्न तहका नेताहरू, कार्यकर्ता, स्थानीय बासिन्दा तथा शुभेच्छुकहरूको उल्लेखनीय उपस्थिति रहेको थियो। अधिवेशनले संगठन सुदृढीकरण, स्थानीय विकास र जनसरोकारका विषयहरूमा प्राथमिकता दिने निर्णय समेत गरेको छ।