ज्योतिष डा. बिबेकको किताब VastuShastra’ अन्तरास्टृय बजारमा सार्वजनिक
वीरगंज संजाल
२४ जेष्ठ २०८२, शुक्रबार ०९:१६
२६९
वीरगंज । हस्तरेखा, ज्योतिष र वास्तुशास्त्रका क्षेत्रमा उदाउँदो नामका रूपमा परिचित डा. बिबेकद्वारा लिखित पुस्तक ‘VastuShastra’ अब विश्वभरका पाठकहरूका लागि Amazon तथा Flipkart मार्फत उपलब्ध भएको छ।
वैज्ञानिक दृष्टिकोणबाट ज्योतिषशास्त्र र वास्तुशास्त्रलाई प्रस्तुत गर्ने लक्ष्यसहित डा. बिबेकले यो पुस्तक प्रकाशन गरेका हुन्। उनले भने, “हाम्रो परम्परागत विद्या हस्तरेखा, वास्तु र ज्योतिषलाई वैज्ञानिक आधारमा बुझाउने प्रयासस्वरूप यो पुस्तक ल्याइएको हो।” पुस्तकमा ज्योतिष, वास्तुशास्त्र, हस्तरेखा र भाग्यको परस्पर सम्बन्धलाई तथ्यमा आधारित रुपमा विश्लेषण गरिएको छ। नेपाल र भारत मात्र होइन, विश्वभरका बिद्यार्थी, शोधकर्ताहरू र रूचि राख्ने पाठकहरूका लागि उपयोगी हुने विश्वास गरिएको छ। डा. बिबेकले आगामी दिनहरूमा ‘Vastu for Engineers’ शीर्षकमा अर्को महत्वपूर्ण पुस्तक पनि प्रकाशनको तयारीमा रहेको जानकारी दिएका छन्।
ज्योतिष परिवारको योगदान।
डा. बिबेक प्रख्यात वरिष्ठ ज्योतिष अशोक पाण्डेयका सुपुत्र हुन्। उनको परिवारले स्थानीय तहदेखि मुलुकका शीर्ष राजनीतिक व्यक्तित्वहरूसम्मलाई ज्योतिषीय मार्गदर्शन, भविष्यवाणी र वास्तु सल्लाह दिँदै आएको छ। उनी आफैं पनि युवा उमेरमै सफल र विश्वासिलो ज्योतिषका रूपमा परिचित हुँदै गएका छन्।
पुस्तकको सहज उपलब्धता, वैज्ञानिक दृष्टिकोण र समर्पित अध्ययनले गर्दा डा. बिबेकको ‘VastuShastra’ पाठकमाझ लोकप्रिय हुने अपेक्षा गरिएको छ|
