वीरगञ्ज | समृद्ध नेपाल फाउण्डेसनको आयोजनामा शनिबार बाराको नकटुवामा निःशुल्क आँखा शिविर आयोजना गरिएको छ । निःशुल्क आँखा शिविरमा एक सय ४० जनाको आँखाको परीक्षण गरिएको थियो ।

समृद्ध नेपाल फाउण्डेसनका अध्यक्ष सुरजकुमार सरार्फले नकटुवामा बसोबास गर्दै आइरहेका सर्वसाधारणलाई लक्षित गर्दै आँखा शिविर आयोजना गरिएको जानकारी दिए ।‘‘आँखा शिविरको क्रममा ४० जना मोतियाविन्दुको विरामी पहिचान भएका छन्,’’ उहाँले भन्नुभयो,‘‘वीरगञ्ज सामुदायिक आँखा अस्पतालसँगको सहकार्यमा
मोतियाविन्दु भेट्टिएका विरामीको निःशुल्क आँखाको शल्यक्रिया गरिनेछ ।

’’ विश्रामपुर गाउँपालिकाका कार्यपालिका सदस्य रागिनी कुमारीले निःशुल्क आँखा शिविरको कारणले स्थानीय बासीले घरआँगनमा आँखा उपचार गर्न पाएकोमा खुसी व्यक्त गर्नृभयो ।
आँखा शिविर कार्यक्रम वीरगञ्ज सामुदायिक आँखा अस्पताल र समाजसेवी किशन सर्राफ लगायतको सहयोगमा सञ्चालन गरिएको हो । सो कार्यक्रममा फाउण्डेसनका कोषाध्यक्ष तहीर अहमदको समेत उपस्थिति रहेको थियो ।