वीरगंज | राजधानीको व्यस्त क्षेत्र रातोमाटेमा ट्राफिक प्रहरीले सवारी चालकलाई गैरआवश्यक रूपमा दुःख दिएको आरोप लागेको छ। सवारी चालकसँग सवारी चालक अनुमती पत्र स्पष्ट रूपमा देखाए पनि प्रहरीले चिट काटेको पीडितले बताएका छन्।

घटनामा संलग्न ब्यक्तिका अनुसार, ट्राफिक प्रहरीले पछाडि बसेको यात्रुले पानी गाडी चलाएको हुनसक्ने अनुमानका आधारमा चिट काटेका हुन्। यस कार्यले प्रशासनको दुरुपयोग र व्यक्तिगत रिसइवीको आशंका समेत जन्माएको छ। चिरंजीवी पाण्डे नामक ट्राफिक प्रहरीको व्यक्तिगत रिसइवीका कारण चिट काटिएको हुनसक्ने आशंका गरिएको छ।

पीडित विशेष कुमारले भने, “जागिरको अधिकार दुरुपयोग गर्दै प्रहरीको दादागिरी दिनदहाडै देखिएको छ। यस्तो गैरजिम्मेवार कार्यप्रति सम्बन्धित निकायले छानबिन गरी आवश्यक कारबाही गर्नुपर्छ।”

सार्वजनिक स्थलमा यस्ता घटना दोहोरिरहेमा नागरिकमा प्रहरी प्रशासनप्रति विश्वास घट्न सक्ने देखिन्छ। यस विषयमा ट्राफिक प्रहरी कार्यालयको आधिकारिक धारणा भने आउन बाँकी छ।