वीरगन्ज । वीरगन्ज र यस आसपाका क्षेत्रमा हावा हुरी सहित वर्षा भइरहेको छ ।
हावाहुरीको कारण विद्युत सेवा अवरुद्ध भएको छ । हाल देशमा पश्चिमी वायुको साथै स्थानीय वायुको सामान्य प्रभाव रहेको जल तथा मौसम पूर्वानुमान महाशाखाले जनाएको छ । पछिल्लो समय तापक्रम उच्च रहेकाले गर्मी बढेको थियो, तर हालको वर्षा र हावाहुरीले केही राहत मिल्ने अपेक्षा गरिएको छ।
आज साँझ देखि देशका पहाडी भूभागमा आंशिक देखि सामान्य बदली रहि मधेश प्रदेश, कोशी प्रदेश, बागमती प्रदेश, गण्डकी प्रदेश र कर्णाली प्रदेशका थोरै स्थानहरुमा मेघगर्जनरचट्याङ्ग सहित हल्का देखि मध्यम वर्षा भइरहेको महाशाखाले जनाएको छ । आज राती मधेश प्रदेश, कोशी प्रदेश, बागमती प्रदेश र गण्डकी प्रदेशका थोरै स्थानहरूमा मेघगर्जनरचट्याङ्ग सहित क्षणिक वा हल्का वर्षाको रहेको छ।
मधेश प्रदेशको बारा, पर्सा र रौतहटमा समेत हावाहुरी सहित हल्का पानी परिरहेको छ । बागमती ,गण्डकी, कोशी र मधेशमा दुई दिनसम्म हावा हुरी र चट्याङको सम्भावना रहेको जल तथा मौसम पूर्वानुमान महाशाखाले जनाएको छ ।
मधेशलगायत देशभर चर्को गर्मी बढिरहेको बेला यस मौसमी परिवर्तनले केही राहत त ल्याएको छ, तर सुरक्षाका उपायहरू अपनाउनु आवश्यक छ। सार्वजनिक स्थानमा सावधानी अपनाउन, विद्युत् पोल र रुखहरूबाट टाढा रहनु, यात्रा गर्दा मौसमको जानकारी लिएर मात्र यात्रा गर्न महाशाखाको सुझाव छ ।
