बहुदरमाई । बहुदरमाई–५ मा गरीब किसानको घर निर्माण: परिवर्तन नेपाल फाउन्डेशन र राकेश यादव मितवाको पहलमा सम्पन्न

परिवर्तन नेपाल फाउन्डेशनको सहयोग र राकेश यादव मितवा ज्यूको सक्रिय पहलमा बहुदरमाई नगरपालिका वडा नं ५ मा बसोबास गर्दै आएका एक जना अत्यन्तै गरीब किसानको लागि नयाँ घर निर्माण सम्पन्न भएको छ। आज सो नव–निर्मित घरमा औपचारिक रूपमा गृह प्रवेश कार्यक्रम सम्पन्न गरिएको छ।

आर्थिक अभावका कारण उचित आवास नपाएका ती किसानका लागि सुरक्षित र ससम्मान बासस्थानको व्यवस्था गर्न परिवर्तन नेपाल फाउन्डेशनले मुख्य भूमिका खेलेको हो। कार्यक्रममा स्थानीय बासिन्दा, सामाजिक अभियन्ता र दाताहरूको उल्लेखनीय उपस्थिति रहेको थियो।

कार्यक्रममा परिवर्तन नेपाल फाउन्डेशनका अध्यक्ष बिशेष साहले सम्पूर्ण सहयोगीहरू र दाताहरूलाई धन्यवाद दिँदै, “हामीले सानो प्रयासमार्फत ठूलो परिवर्तन ल्याउन सक्ने सम्भावना रहेको प्रमाणित गरेका छौं,” भन्नुभयो।

परिवर्तन नेपाल फाउन्डेशन र राकेश यादव मितवा ज्यूलाई यो सामाजिक सेवामूलक कार्यमा सहभागी सबै सहयोगी र दाताहरूलाई हार्दिक धन्यवाद ज्ञापन गरिएको छ।