बारा | विशेष सूचनाका आधारमा बारा जिल्लाको अमलेखगञ्जमा प्रहरीले प्रतिबन्धित लागु औषध ट्रामाडोल हाइड्रोक्लोराइड क्याप्सुल २९६५ पत्ता (जम्मा २९,६५० ट्याबलेट) बरामद गर्दै दुई जनालाई नियन्त्रणमा लिएको छ।
मिति २०८२ बैशाख १६ गते दिउँसो ३:३१ बजे इलाका प्रहरी कार्यालय अमलेखगञ्जबाट प्रहरी नायब निरीक्षक टेकबहादुर कार्कीको कमाण्डमा खटिएको टोलीले जीतपुर सिमरा उपमहानगरपालिका–२१, अमलेखगञ्जस्थित चेकप्वाइन्टमा वीरगञ्जबाट हेटौंडातर्फ गइरहेको BR05BA4817 नम्बरको भारतीय कारलाई रोकी जाँच गर्दा उक्त कारको पछाडिको सिटमुनी फल्स बटम बनाई लुकाइएको अवस्थामा लागु औषध फेला पारेको हो।
प्रहरीका अनुसार, नियन्त्रणमा लिइएका व्यक्तिमध्ये एक भारतको बिहार राज्य, मोतिहारी जिल्लाको ग्राम अरेराज मलाही–११ निवासी २३ वर्षीय नितिश कुमार ठाकुर रहेका छन्। पक्राउ परेका दुबै जनामाथि आवश्यक कानुनी प्रक्रिया अगाडि बढाइएको प्रहरीले जनाएको छ।
