पर्सा । पर्सामा किशोरीलाई नशालु पदार्थ खुवाएर पटक–पटक बलात्कार गरी गर्भ बोकाएको आरोपमा ५२ वर्षीय पुरुष पक्राउ परेका छन्। पक्राउ पर्नेमा वीरगञ्ज महानगरपालिका–३१ इस्लामपुरका शेख अब्दुल मतिनका छोरा शेख महमद अनवर रहेका छन्।

पीडित किशोरीले दिएको उजुरीका आधारमा प्रहरीले अनवरलाई नियन्त्रणमा लिएको हो। उजुरीअनुसार उनले किशोरीलाई नशालु पदार्थ खुवाएर मानसिक रूपमा कमजोर बनाउँदै पटक–पटक जबरजस्ती करणी गरेका थिए।

मेडिकल परीक्षणबाट किशोरी १० हप्ताको गर्भवती रहेको पुष्टि भएको छ। घटना सार्वजनिक भएलगत्तै प्रहरीले अनुसन्धान अघि बढाउँदै अनवरलाई पक्राउ गरेको हो।

प्रहरीले पीडित किशोरीलाई संरक्षणमा राखी स्वास्थ्य परीक्षण गराइसकेको छ। साथै, आवश्यक कानुनी प्रक्रिया अघि बढाइएको र पर्सा जिल्ला अदालतबाट म्याद थप गर्दै अनुसन्धान अघि बढाइएको जनाइएको छ।