काठमाडौं । नेपाल विद्युत् प्राधिकरणकै डिजिटल बोर्ड ह्याक गरेर प्रधानमन्त्री केपी शर्मा ओली विरुद्ध नारा लेखिएको छ । प्राधिकरणको चितवन स्थित भरतपुर वितरण केन्द्रको डिजिटल बोर्ड अज्ञात व्यक्तिले ह्याक गरेको हो ।
सोमबार राति प्राधिकरणका कार्यकारी निर्देशक कुलमान घिसिङलाई बर्खास्त गर्ने मन्त्रीपरिषद्को निर्णय बाहिरिएसँगै सामाजिक सञ्जालमा त्यसको विरोध भइरहेको छ । यसै सिलसिलामा भरतपुर वितरण केन्द्रको बोर्ड ह्याक प्रधानमन्त्री ओली विरुद्ध नारा लेखिएको ठानिएको छ ।
बोर्ड ह्याक गरी लेखिएको छ, “KP Chor Desh Xod !” केन्द्रका कार्यालय प्रमुख रामु श्रेष्ठले बोर्ड ह्याक भएको विषयमा छानबिन भइरहेको तर, अहिलेसम्म सम्बन्धित व्यक्तिको पहिचान हुन नसकेको बताए । “यहाँ बोर्ड ह्याकसँगै धेरै कुराहरू भएको छ,” एनले भने, “कार्यालय तोडफोड गरिएको छ र हातपात समेत भएको छ ।”
