वीरगंज । हरेक बर्ष आजकै दिन संसारभर विभिन्न कार्यक्रम आयोजना गरी अन्तरराष्ट्रिय क्षयरोग दिवस मनाइन्छ । क्षयरोग विरुद्ध जनचेतना जगाउने, सरल र सहज रुपमा उपचारको प्रबन्ध गर्ने, गराउने उद्देश्यका साथ यो दिवस मनाउने गरिएको छ । दिवसको यस वर्षको नारा हो हामी क्षयरोग अन्त्य गर्न सक्छौं । लगानीको प्रतिबद्धता र सेवा प्रवाहको सुनिश्चतता, आजको आवश्यकता’ भन्ने तय गरिएको छ ।

यस दिवसले क्षयरोग महामारीको अन्त्यका लागि गरिएका प्रतिबद्धता, प्रयास, तथा उपलब्धीलाई सम्झिने अवसर समेत प्रदान गरेको छ ।वीरगन्ज महानगरपालिकाको स्वास्थ्य तथा समाजिक विकाश महाशाखाले जन चेतना मुलक रैली कार्यक्रम गरि विश्व क्षयरोग दिवस २०८१ मनाएको छ ।

वीरगन्ज महानगरपालिकाको आयोजना तथा विभिन्न सरोकारवालाहरुको सहयोगमा रैली कार्यक्रम गरिएको सुमनचन्द्र ठाकुरले जानकारी दिए ।वीरगन्जको घण्टाघरबाट निस्केको रैलीले नगरपरिक्रमा गर्नुका साथै जनचेतनामूलक नारा लगाउँदै प्लेकार्ड प्रदर्शन गरेको थियो ।