वीरगञ्ज | वीरगञ्ज उद्योग वाणिज्य संघको ४९औँ वार्षिक साधारण सभा आज सम्पन्न भएको छ। साधारण सभासँगै सम्पन्न पदाधिकारी निर्वाचनमा हरिप्रसाद गौतम संघको अध्यक्ष पदमा निर्विरोध निर्वाचित भएका छन्।

वीरगञ्ज उद्योग वाणिज्य संघका प्रमुख निर्वाचन अधिकृत बालमुकुन्द खरेलको उपस्थितिमा पदाधिकारी चयन प्रक्रिया सम्पन्न भएको हो। अध्यक्षसहित अधिकांश पदाधिकारीहरू सर्वसम्मत रूपमा चयन भएका छन् भने एक पदमा निर्वाचन सम्पन्न भएको छ।

निर्वाचित पदाधिकारीहरू
• अध्यक्ष : श्री हरिप्रसाद गौतम (निर्विरोध)
• बरिष्ठ उपाध्यक्ष : श्री माधव राजपाल
• द्वितीय उपाध्यक्ष : श्री मनोज दास
• महासचिव : श्री शिवजी प्रसाद कलवार
• कोषाध्यक्ष : श्री अनोज रुंगटा
• सचिव : श्री प्रेमचन्द्र गोयल र श्री सुशान्त चाचान
• सह-कोषाध्यक्ष : श्री निरज अग्रवाल
• सहसचिव : श्री नरेश टिबडेवाल
• सहसचिव (निर्वाचन प्रक्रियाबाट) : श्री अनुप अग्रवाल

अध्यक्ष निर्वाचित भएपछि हरिप्रसाद गौतमले संघलाई थप प्रभावकारी बनाउने, व्यवसायीको हकहितको रक्षा गर्ने र वीरगञ्जको औद्योगिक तथा व्यापारिक विकासमा योगदान दिने प्रतिबद्धता व्यक्त गरेका छन्। संघको नयाँ नेतृत्वले व्यवसायीहरूका समस्या समाधान गर्न तथा आर्थिक गतिविधिलाई प्रवर्द्धन गर्न विभिन्न योजनाहरू अघि सार्ने बताइएको छ।