वीरगञ्ज | नेपाल विद्यार्थी समूहले निर्वाचन मतगणना तत्काल सुरु गर्न माग गर्दै वीरगञ्जमा प्रदर्शन गरेका छन्। विद्यार्थीहरू आज बिहान घण्टाघरबाट सुरु भई आदर्शनगर पुगेर पुनः घण्टाघरमै फर्किने गरी र्याली निकालेका हुन्।
र्यालीका सहभागीहरूले मतगणनामा ढिलाइ नगर्न र लोकतान्त्रिक प्रक्रियालाई सहज बनाउन आग्रह गर्दै नाराबाजी गरेका थिए। उनीहरूले निष्पक्ष मतगणना सुनिश्चित गर्न दबाबमूलक प्रदर्शनसमेत गरेका छन्।
विद्यार्थी समूहका एक नेताले भने, “हामी मतगणनाको प्रक्रिया तत्काल अगाडि बढाउन माग गर्दैछौं। ढिलाइ गर्दा जनताको आशा मर्ने र लोकतान्त्रिक प्रणालीप्रति अविश्वास बढ्ने खतरा छ।” र्यालीमा सयौं विद्यार्थीहरूको सहभागिता रहेको थियो। प्रशासनले भने प्रदर्शनलाई शान्तिपूर्ण रूपमा सम्पन्न गराउन आवश्यक सुरक्षा व्यवस्था मिलाएको थियो।
