वीरगंज | समृद्धि नेपाल फाउण्डेसनको चौंथो अधिवेशन बाट नयाँ नेतृत्व चयन भएको छ । शनिबार वीरगञ्ज पब्लिक कलेजमा आयोजित एक कार्यक्रमबीच फाउण्डेसनमा सुरजकुमार सर्राफको अध्यक्षतामा नयाँ कार्यसमिति चयन गरेको हो । त्यस्तै उपाध्यक्षमा मोहम्मद ताहिर अहमद, सचिवमा हरिओम गुप्ता चयन भएका छन् ।

त्यस्तै सहसचिवमा श्रृति साह, कोषाध्यक्षमा पीयुष साह कानु, सदस्य संयोजकमा भोला कहर रहेका छन् ।
त्यस्तै व्यवस्थापन संयोजकमा सूर्या सर्राफ, कार्यक्रम संयोजक आयुष गुप्ता,सह कार्यक्रम संयोजकमा रितु कर्ण र अन्य सदस्य पछि मनोनयन गर्ने बताइएको छ ।

त्यस्तै गरी अनुराग योजना अन्तर्गत दुई वटा विभाग पनि गठन गरिएको छ । स्वास्थ्य विभाग प्रमुखमा नेशनल मेडिकल कलेजमा अध्ययरत आदित्य राज साह र खेलकुद विभाग प्रमुखमा अध्यक्षको सिफारिसमा मनोनित हुने बताइएको छ । यस अघि कार्यक्रमका प्रमुख अतिथि युवा अभियन्ता दिलिपराज कार्कीले कार्यक्रमको उद्घाटन गर्दै फाउण्डेसनले विगतका वर्षदेखि युवालक्षित सामाजिक कार्य गर्दै आइरहेकाले आगामी दिनमा सकारात्मक खालका कार्य गरेर अघि बढ्नका लागि अनुरोध गरे ।

‘फाउण्डेसनले सामाजिक विकृति र विसंगति विरुद्ध विभिन्न खालका रचनात्मक अभियानहरु सञ्चालन गर्दै अघि बढ्नका लागि अनुरोध गर्दछु,’ उनले भने‘वीरगञ्जका लोक कला संस्कृति प्रवद्र्धन गर्ने खालका कार्य गरेर युवाहरुलाई जागरुप बनाउनको लागि अनुरोध गर्दछु ।’’ फाउण्डेसनका संस्थापक अध्यक्ष आयुषकुमार गुप्ताले फाउण्डेसनले युवाहरुलाई स्टार्टअप लगायतका कार्य गर्नका लागि सहयोगी भूमिका निर्वाह गर्दै आइरहेको बताए । नवनिर्वाचित अध्यक्ष सर्राफले सबैसँग हातेमालो गरेर युवाहरुलाई सामाजिक कार्यमा अघि बढाउने योजना रहेको जानकारी दिए ।‘

‘फाउण्डेसनले युवाहरुलाई सत्कर्मको बाटोमा हिडाउँन लागि आवश्यक पहलकदमी गर्नेछौ’ उनले भने । संस्थाका सचिव हरिओम गुप्ताले संस्थाले सदस्यहरुको समग्र विकासको लागि व्यवसायिक आवश्यकताहरु पुरा गर्दै जाने योजना रहेको बताए ।‘संस्थाले आफ्नो सदस्यहरुको उच्च नवप्रवर्तनकारी विचार भएका सदस्यहरुको लागि स्टार्टअप कार्यक्रम ल्याउने र लगानीकर्ताहरुलाई व्यवस्थापन गर्ने योजना रहेको छ ।’ उनले भने । सोही अवसरमा प्रिया मिश्रालाई समृद्ध नेपाल साहित्य पुरस्कारले सम्मान गरिएको थियो । त्यस्तै गरी सोही अवसरमा मेम्बर अफ दी इयरबाट पियुस साह कानु सम्मानित भएका छन् । कार्यक्रममा वडा प्रहरी कार्यालय बिर्ताका प्रमुख निरोज चौलागाई,जिल्ला ट्राफिक प्रहरी कार्यालय पर्साका प्रमुख लोकराजभट्ट,मानवसेवा आश्रमका प्रतिनिधि देवेश प्रसाद लगायतको उपस्थिति रहेको थियो ।