बारा | बारा प्रहरीले विभिन्न कसुरमा संलग्न भई अदालतबाट सजाय तोकिएर फरार रहेका दुई जना प्रतिवादीलाई पक्राउ गरी अदालतमा पेश गरेको छ। मिति २०८१ फागुन २८ गते प्रहरीको खोजी अभियानपछि लुकीछिपी बसेको अवस्थामा उनीहरूलाई पक्राउ गरिएको हो।

पक्राउ पर्नेहरूमा कलैया उपमहानगरपालिका-१६ का राघव प्रसाद कानु रहेका छन्, जो चेक अनादर मुद्दामा दोषी ठहर भई १,००० रुपैयाँ जरिवाना तिर्नुपर्ने अवस्थामा फरार थिए। त्यसैगरी, कलैया उपमहानगरपालिका-२१ का नरेश गिरीलाई मोटरसाइकल चोरी मुद्दामा दोषी ठहर गर्दै २०० रुपैयाँ जरिवाना तोकिएको थियो।

जिल्ला प्रहरी कार्यालय बाराबाट खटिएको टोलीले ती फरार प्रतिवादीलाई पक्राउ गरी आवश्यक कारबाहीका लागि बारा जिल्ला अदालत, कलैयामा पेश गरेको छ। प्रहरीले कानून विपरीत गतिविधि गर्नेहरूलाई कानूनी दायरामा ल्याउन निगरानी अझ कडा पार्ने जनाएको छ।