वीरगञ्ज । मानव बेचबिखन कसूरमा संलग्न चार जनालाई कारागार चलान गरिएको छ। वीरगञ्ज महानगरपालिका क्षेत्रभित्र सञ्चालित विभिन्न होटलहरूमा गरिएको चेकजाँचका क्रममा राम्रो आम्दानीको प्रलोभनमा पारी होटलमा आएका ग्राहकसँग अनैतिक क्रियाकलापमा संलग्न गराउने चार जनालाई पक्राउ गरी कारागार चलान गरिएको हो।

कारागार चलान गरिएका व्यक्तिहरूमा वीरगञ्ज महानगरपालिका वडा नम्बर १६ निवासी गिनीलाल गुप्ता, भारत बिहार पूर्वी चम्पारण थाना नकरदेही ग्राम भवानीपुर वडा नम्बर ६ बस्ने जय प्रकाश साह, महोत्तरीको भंगाहा नगरपालिका वडा नम्बर २ टिकुलियाका सुक्राति चौधरी, र बाराको सिमरा उपमहानगरपालिका वडा नम्बर १४ की मिरा कुमारी महतो रहेका छन्।

मानव बेचबिखन तथा ओसारपसार ऐन २०६४ बमोजिमको कसूरमा अनुसन्धानपछि पर्सा जिल्ला अदालतको आदेशअनुसार उनीहरूलाई पुर्पक्षका लागि वीरगञ्ज कारागार पठाइएको पर्साका प्रवक्ता प्रहरी नायब उपरीक्षक सुवास भट्टले जानकारी दिएका छन्।