। प्रहरीले त्रिभुवन अन्तर्राष्ट्रिय विमानस्थलबाट ३ किलो ७४५ ग्राम सुनसहित चार जना विदेशी नागरिकलाई पक्राउ गरेको छ।

गएराति दुबईबाट फ्लाइ दुबईको उडानमार्फत आएका उज्वेकिस्तानका तीन महिला र एक पुरुषलाई विमानस्थल सुरक्षा कार्यालयले नियन्त्रणमा लिएको हो। पक्राउ परेकाहरूले मलद्वारमा लुकाएर सुन तस्करी गर्न खोजेको विमानस्थल सुरक्षा कार्यालयका एसएसपी सोमेन्द्रसिंह राठौरले जानकारी दिए।

पक्राउ पर्नेहरूमा अख्माद जानोभना दिलफुजा मारिफअलिभ, इजराइलोभना साओदत फेजिभा, गुलाम्दजानोभन उमिद अख्मेदोभ, र सरदोर त्रुस्अनोभ रहेका छन्।

बरामद गरिएको सुनका विषयमा थप अनुसन्धान भइरहेको प्रहरीले जनाएको छ। नेपाल हुँदै सुन तस्करीका घटना पछिल्लो समय बढ्दै गएकाले सुरक्षाकर्मीहरू थप सतर्क भएको विमानस्थल सुरक्षा कार्यालयले जनाएको छ।