रौतहट । संघिय मामिला तथा सामान्य प्रशासन मन्त्री राजकुमार गुप्ताले बर्तमान सरकार देशको आर्थिक विकास, सुशासन र विकास निर्माणको पक्षमा काम गरिएको बताएका छन् ।

शनिबार रौतहटका पत्रकार संजय सहनी संग कुराकानी गर्दै मन्त्री गुप्ताले बर्तमान सरकार देशमा सुशासन कायम गर्न लागिपरेको दाबी गरेका हुन् ।
मन्त्री गुप्ताले देशमा हरेक स्थानीय तहमा सुसाशन कायम तथा बिकास निर्माणमा गति प्रदानका लागि स्थानीय हतको जनप्रतिनिधिको सुझाव र समन्वयमा कर्मचारी पठाई जनताको सेवा र पालिकाको बिकासमा दायाँबायाँ नगरि अहोरात्र खट्न निर्देशन दिने काम गरिरहेको बताए ।

कुनै दायाँबायाँ नगरि जनतालाई सेवा दिन ,खटाएको स्थानीय तहको बिकास बारे सोच्न कर्मचारीलाई स्पष्ट निर्देशन सहित पठाएको छु ,सबैलाई सम्झाएको छु ।कहि -कतैका कर्मचारीले गल्ति गरे कारबाही बाट जोगिने कुरा हुन्न मन्त्री गुप्ताको भनाई छ।

गुप्ताले आफु भ्रष्टाचार र अनियमितताको पक्षमा नरहेको र कसैले गरे सह्य नहुने आफ्नो धारण रहेको बताए।

मन्त्री गुप्ताले तत्काल कर्मचारी समायोजनको झमेला र विभिन्न कानुनी अडचनले गर्दा विभिन्न स्थानीय तहमा निमित पठाउन बिबस छौ ,केहि अप्ठ्यारो छ ।केहि दिन मै सब सिस्टममा आउने बताए ।

हामीले छिट्टै सङ्घीय निजामती ऐन ल्याउँछौँ । स्थानीय तह र प्रदेशका कर्मचारीको ‘अप्ठ्यारो’ मलाई थाहा छ । उदाहरणका लागि रौतहट जिल्लामा घर–व्यवहार भएका मानिस कर्णाली खटाइएको छ । यस्ता समस्या स्थायी रुपमा समाधान गर्न प्रयास गर्छौँ । उहाँहरूलाई अपायक ठाउँमा खटाइएको छ । यसलाई पनि व्यवस्थित गर्ने प्रयासमा मन्त्रालय छ गुप्ताले स्पष्ट पारे।