पर्सा । पर्सा जिल्लाको बहुदरमाई नगरपालिका-४ डोकैला बहुअरीस्थित तिलावे नदीमा शनिबार एक अज्ञात महिलाको शव फेला परेको छ।

प्रारम्भिक अनुसन्धानका क्रममा मृतक महिलाको ढाडमा जुत्ता बाँधेर नदीमा फालिएको आशंका गरिएको छ। स्थानीयवासीले शव देखेपछि प्रहरीलाई खबर गरेका थिए।

घटनाको जानकारी पाएपछि प्रहरी टोली तत्कालै घटनास्थलमा पुगेको थियो। अहिले शवको पहिचान तथा घटनाको कारण पत्ता लगाउन आवश्यक प्रक्रिया अघि बढाइएको छ। प्रहरीका अनुसार घटनाको थप अनुसन्धान जारी छ।