वीरगंज । राष्ट्रिय मुक्ति पार्टी नेपाल पर्साको जिल्ला पार्टी कार्यालय आजदेखि वीरगंज चिनिमिल आवास क्षेत्र अगाडि सञ्चालनमा आएको छ।

जिल्ला संयोजक राजेश साहको अध्यक्षतामा बसेको बैठकमा पार्टीका केन्द्रीय सदस्य नेजामुद्दीन शमानी, अनिरुद्ध प्रसाद कलवार, रेखा घिमिरे, जयलाल साह, सरीता कुमारी साह, जिल्ला नेता हजरत खां, हाकिम मियाँ, दिव्य प्रकाश चतुर्वेदी लगायतको उपस्थिति रहेको थियो।

कार्यक्रमका प्रमुख अतिथि तथा पार्टीका केन्द्रीय सदस्य नेजामुद्दीन शमानीले कार्यालयको उद्घाटन गर्दै मधेसी, जनजाति, थारू लगायत समुदायको अधिकार, पहिचान र सम्मानका लागि पार्टी संघर्षरत रहेको बताए। उनले राष्ट्रिय अध्यक्ष राजेन्द्र महतोको नेतृत्वमा राष्ट्रिय मुक्ति क्रान्तिलाई सफल बनाउन सबैलाई एकजुट हुन आग्रह गरे।

उद्घाटन कार्यक्रममा उपस्थित नेताहरूले पार्टीका भावी योजनाबारे छलफल गर्दै संगठन विस्तार र सशक्तीकरणमा जोड दिने प्रतिबद्धता व्यक्त गरे।