पर्सा । नेपाल विद्यार्थी संघ पर्सा जिल्ला समितिको अगुवाइमा ठाकुर राम बहुमुखी क्याम्पस छात्रावासमा 7 थान डस्टबिन राखिएको छ।
शनिबार भएको कार्यक्रममा नेवि संघ पर्साका जिल्ला सचिव सुधान्सु प्र. चौरसियाको अध्यक्षतामा छात्रावासको विभिन्न स्थानमा डस्टबिन राखिएको हो। स्वच्छ र सफा वातावरण प्रवर्द्धन गर्ने उद्देश्यले डस्टबिन व्यवस्था गरिएको आयोजकले जनाएको छ।
उक्त कार्यक्रममा नेवि संघका सह-कोषाध्यक्ष ओमपुकार दास, सह-सचिव लक्ष्मण मण्डल, जिल्ला सदस्य करण चौरसिया, साथै ठाकुर राम क्याम्पसका विद्यार्थी नेता जय नेपाल चौरसिया, आकाश साह, अरविन्द गुप्ता, रोहण श्रीवास्तव, प्रभाकर चौरसिया, श्यामसुन्दर चौहान, पियान्शु चौरसिया, दिपक चौहान र धिरज चौहानको उपस्थिति रहेको थियो।
कार्यक्रममा उपस्थित विद्यार्थी नेताहरूले सफाइ अभियानलाई निरन्तरता दिने प्रतिबद्धता व्यक्त गरेका छन्।
