सर्लाही । नेपाल समाजवादी पार्टी (नयाँ शक्ति) को प्रथम महाधिवेशनबाट सर्लाहीका राजेश कुमार सिंह केन्द्रीय सदस्यमा निर्वाचित भएका छन्। माघ २७ देखि २९ गतेसम्म सम्पन्न महाधिवेशनमा अध्यक्ष डा. बाबुराम भट्टराई सहित ११ पदाधिकारी तथा ९९ सदस्यीय केन्द्रीय समिति प्रत्यक्ष निर्वाचनमार्फत चयन गरिएको थियो।
मधेसी केन्द्रीय सदस्य (खुला) तर्फ सर्लाहीका सिंह ३८८ मत प्राप्त गरी निर्वाचित भएका छन्। त्यस्तै, मधेसी केन्द्रीय सदस्य (युवा) तर्फ सर्लाहीकै दीपक महतो ४०८ मत प्राप्त गर्दै निर्वाचित भएका छन्।
नवनिर्वाचित केन्द्रीय सदस्य सिंहका अनुसार, सर्लाही जिल्लामा नेपाल समाजवादी पार्टी (नयाँ शक्ति) लाई जिल्ला तहदेखि वडा स्तरसम्म सङ्गठन विस्तार गर्ने योजना रहेको छ।
