वीरगञ्ज । पर्सा प्रहरीले झन्डै १६ वर्षदेखि फरार रहेका सवारी ज्यान मुद्दाका दुई आरोपितहरूलाई पक्राउ गरेको छ। वीरगञ्ज महानगरपालिकाका विभिन्न स्थानबाट पर्सा प्रहरीले छठु साह तेली र चन्दु राउत कुर्मीलाई पक्राउ गरेको हो।
२०६४ सालको जनवरी १४ गते छठु साह तेलीद्वारा चलाइएका ना. १ ह ९०७ नम्बरको ट्याम्पोले राजेन्द्र साह सोनारलाई ठक्कर दिँदा उनको मृत्यु भएको थियो। दुर्घटनापछि छठु साह तेली घटनास्थलबाट फरार भएका थिए। उनलाई पर्सा प्रहरीले माघ २७ गते वीरगञ्ज महानगरपालिका – १७ बाट पक्राउ गरेको हो। उनलाई सवारी ज्यानको आरोपमा ७ दिनको म्याद अनुमति प्राप्त गरी थप अनुसन्धान भइरहेको पर्सा प्रहरीले जानकारी दिएको छ।
त्यस्तै, अर्को घटना २०६४ सालको कार्तिक ३ गतेको हो, जसमा चन्दु राउत कुर्मी द्वारा चलाइएका ना. ३ प ९७१८ नम्बरको मोटरसाइकलले होरिल राउत कुर्मीको ज्यान लिएको थियो। दुर्घटनापछि चन्दु राउत पनि फरार भएका थिए। उनलाई पर्सा प्रहरीले माघ २८ गते वीरगञ्ज महानगरपालिका – २५ बाट पक्राउ गरेको छ। चन्दु राउतलाई पनि सवारी ज्यानको आरोपमा ५ दिनको म्याद अनुमति प्राप्त गरी थप अनुसन्धान कार्य भइरहेको प्रहरीले जानकारी दिएको छ।
यो घटनाले फरार रहेका अपराधीहरूलाई पक्राउ गरेर न्यायको प्रक्रिया अघि बढाउनमा प्रहरीको महत्त्वपूर्ण सफलता जÞयाएको छ।
