वीरगञ्ज । युवा नेता सुधिर पटेलले वीरगञ्ज महानगरपालिका वडा नम्बर ३१ भेडियाही फुटबल क्लबका खेलाडीहरुलाई जर्सी वितरण गरेका छन् ।
पर्सा क्षेत्र नम्बर १ (क) का बाट प्रदेश सभा सदस्यका प्रत्यासी समेत रहेका पटेलले आफ्नो क्षेत्रका युवा खेलाडीलाई खेलतर्फ प्रोत्साहन गर्न जर्सी प्रदान गरेका हुन् ।
भेडियाही फुटबल क्लबका १६ जना खेलाडीलाई युवा नेता पटेलले जर्सी वितरण गरेका हुन् । खेलतर्फ अझै अग्रसर भएर लगनशीलताका साथ निरन्तरता दिन पनि उनले खेलाडीहरुलाई आग्रह गरेका छन् ।
पछिल्लो समय खेल क्षेत्रमा पनि भविष्य सुनिश्चित गर्न सकिने बताउँदै नेता पटेलले खेलमा उत्कृष्ट प्रदर्शन गर्दै आफ्नो ठाउँको र देशको नाम उच्च राख्न आग्रह गरे । साथै उनले आगामी दिनमा अन्य किसिमका आवश्यक सहयोग गर्ने क्रमलाई निरन्तरता दिने प्रतिबद्धता पनि उनले व्यक्त गरे ।
सो अवसरमा स्थानीय नेता सुमन चौधरी, शंकर पटेल, जितेन्द्र चौधरी, लक्ष्मी चौधरी लगायतको उपस्थिती रहेको थियो ।
