वीरगंज | बङ्गलादेशमा फेरि एकपटक हिंसा भड्किएको छ । बुधबार राति पूर्वप्रधानमन्त्री शेख हसिनाका विरोधीहरूले ढाकाको धनमन्डी–३२ मा रहेको उनका बुवा शेख मुजिबुर रहमानको घरमा आगजनी गरेका छन् ।

साथै उनीहरूले आगलागीबाट बचेको घरसमेत भत्काइदिएको र मुजिबुरको भित्तेचित्रलाई पनि बिगारेको बीबीसी हिन्दीको समाचारमा उल्लेख छ ।

साथै प्रदर्शनकारीले बुधबार राति र बिहीबार बिहान देशभर हसिनाको पार्टी अवामी लिगका नेताहरूको घरमा तोडफोड गरेका छन् ।