वीरगञ्ज । कृषि विकास बैंक लिमिटेड कर्मचारी संघ वीरगञ्ज प्रदेश समितिले रक्तदान कार्यक्रम आयोजना गरेको छ। यो कार्यक्रम वीरगञ्जको चिनीमिल स्थित प्रदेश समिति कार्यालयमा सम्पन्न भएको हो।

रक्तदान कार्यक्रममा २ महिला सहित १९ जनाले आफ्नो अमूल्य रक्तदान गरेका छन्। नेपाल रेडक्रस वीरगञ्ज रेश्मकोठी उपशाखाका युवा संयोजक अभिलाष गुप्ताले रक्तदान कार्यक्रमको महत्व र उद्देश्य बारे जानकारी दिँदै सबैलाई रक्तदान गर्न आह्वान गरेका थिए।

कार्यक्रममा सुनिता जैसवाल, कल्पना उप्रेती, पुरन चौधरी, सुदर्शन अधिकार, पपु यादव, राजु साह लगायतकाले रक्तदान गरेका थिए।

नेपाल रक्तसंचार केन्द्र वीरगञ्जमा रगतको अभाव देखिनुका कारण रगतको आपूर्ति सुनिश्चित गर्न रक्तदान कार्यक्रमको आयोजना गरिएको हो। यस रक्तदान कार्यक्रमको प्राविधिक सहयोग रक्तसंचार केन्द्र वीरगञ्जका जितेन्द्र कुशवाहाले गरेका थिए।

यस कार्यक्रमले रगतको आपूर्तिमा सहयोग पुर्याउँदै समुदायको स्वास्थ्यमा सकारात्मक प्रभाव पुर्याउने अपेक्षा गरिएको छ।