वीरगंज | ठमेलबाट अपहरणमा परेका एक चिनियाँ नागरिकलाई प्रहरीले उद्धार गरेको छ। मकवानपुरको भीमफेदीबाट ती नागरिकलाई उद्धार गरिएको हो। यस घटनामा संलग्न चार भारतीय नागरिकलाई प्रहरीले पक्राउ गरेको छ।

काठमाण्डौ उपत्यका अपराध अनुसन्धान कार्यालयका अनुसार, हिजो ठमेलबाट चिनियाँ नागरिक अपहरण भएको खबर प्राप्त भएपछि तत्काल अनुसन्धान थालिएको थियो। संभावित ठाउँ र नाकामा गरिएको व्यापक चेकजाँचका क्रममा सुरुवातमा गाडीका चालक र एक जना भारतीय नागरिक पक्राउ परेका थिए।

पक्राउ परेका अभियुक्तहरूमध्ये दुई जना मकवानपुर जिल्ला प्रहरीको समन्वयमा भाग्दै गर्दा पक्राउ परेका हुन्। अपराध अनुसन्धान टोलीले उद्धार गरिएका चिनियाँ नागरिक र पक्राउ परेका अभियुक्तहरूको परिचय भने हालसम्म सार्वजनिक गरेको छैन।

प्रहरीले घटनाबारे थप अनुसन्धान गरिरहेको छ। अनुसन्धानपछि विस्तृत विवरण सार्वजनिक गर्ने तयारीमा रहेको प्रहरी स्रोतले जनाएको छ।

यस घटनाले काठमाडौं उपत्यकामा विदेशी नागरिकहरूको सुरक्षा व्यवस्थाप्रति थप सचेतना अपनाउनुपर्ने संकेत दिएको छ।