वीरगञ्ज । अन्तर्राष्ट्रिय सामाजिक संस्था लायन्स क्लबका संस्थापक मेलविन जोन्सको जयन्तीको अवसरमा वीरगञ्जको माइस्थान क्षेत्रमा पाँच सय जनालाई चिया वितरण गरिएको छ।

जयन्ती सप्ताहअन्तर्गत लायन्स क्लब वीरगञ्ज ग्रीन क्याम्पस, सिसेम एकेडेमी विजय पथ, गोल्डन स्पेरो, गहवामाई, ग्रीन सिटी, र इनिसिएटिभको संयुक्त आयोजनामा कार्यक्रम सम्पन्न भएको हो। जाडोको मौसममा लायन्स क्लबका सदस्यहरूले समुदायलाई सहयोग गर्ने उद्देश्यसहित उक्त कार्यक्रमको आयोजना गरेका थिए।

लायन्स क्लबका उमेश साह कानूको अगुवाइमा सम्पन्न कार्यक्रममा उप गभर्नर आर.बी. पाण्डेय, समारोह एरिया संयोजक आसमा सिंह यादव, अध्यक्ष सुनील गुप्ता, पूर्व अध्यक्षहरू विजय कुशवाहा, विनीत जायसवाल, किरण अग्रवाल, उमेश गुप्ता, प्रकाश उपाध्याय, दीना गुप्ता लगायतको उपस्थिति रहेको थियो।

कार्यक्रममा समाजसेवी, पत्रकार, र स्थानिय जनसमुदायको उल्लेखनीय सहभागिता रह्यो। सहभागीहरूले समयमा आयोजित कार्यको प्रशंसा गरेका छन्।

लायन्स क्लबले सामाजिक उत्तरदायित्वलाई प्राथमिकतामा राख्दै यस्ता कार्यक्रमहरू निरन्तर सञ्चालन गर्दै आएको छ। आयोजकहरूले जयन्ती सप्ताहको अवसरमा आगामी दिनहरूमा पनि यस्तै कार्यक्रमहरू गर्ने प्रतिबद्धता व्यक्त गरेका छन्।