बिरगंज । हिन्दु परिषद नेपालद्वारा राम जन्मभूमि अयोध्यामा राम मन्दिरको उद्घाटन तथा भगवान श्री रामलालाको मूर्ति प्राणप्रतिष्ठाको वार्षिकोत्सवको अवसरमा भव्य कार्यक्रम सम्पन्न भयो। हिन्दु परिषद नेपाल नगर कमिटीको आयोजनामा बिहान १० बजे माईस्थान मन्दिर परिसरमा हनुमान आराधना, सनातन वैदिक हवन पूजा, र विशेष हवन कार्यक्रम आयोजना गरियो।

कार्यक्रमको अर्को प्रमुख आकर्षण सवा लाख दिप प्रज्वलन थियो, जुन वरिष्ठ समाजसेवी प्रकाश कुमार उपाध्याय र उनकी श्रीमती मुना खनालको करकमलबाट विधिवत पूजा गरी माईस्थान मन्दिर अगाडि सम्पन्न गरियो।

श्री राम दरवारको विशेष झाँकीसहित नगरवासीहरूको भव्य उपस्थितिमा सम्पन्न उक्त कार्यक्रमको संयोजन हिन्दु परिषद नेपाल महानगर समितिले गरेको थियो। कार्यक्रममा प्रमुख अतिथिका रूपमा महामण्डलेश्वर महन्थ श्री श्री १००८ सुरेन्द्र दास जी महाराजको उपस्थिति रहेको थियो।

हिन्दु परिषदको केन्द्रिय अध्यक्ष श्री संजय सरार्फको उपस्थितिमा सम्पन्न भएको यस कार्यक्रममा परिषदका अगुवा लाल बाबु प्रसाद, अबोध केवट, सच्चीता नन्द दुवे, ध्रुव सिंह ठकुरी, हरेन्द्र पटेल, ओम गुप्ता, बन्दना शर्मा, चन्दा शर्मा, पुरूषोत्तम दुवे, देव नाथ उपाध्याय, नरेन्द्र तिवारी, जितेन्द्र पुरूष ढकाल, रूपसिला जयसवाल, उमेश श्रेष्ठ, अजिता देवी पटेल, चितरंजन श्रीवास्तव, राहुल बाडीया, भरत साह कानु, सुभाष सिंह, छबी सरार्फ, बबीता गुप्ता, उमेश साह कानु लगायत श्रद्धालु भक्तजनहरूको उल्लेखनीय उपस्थिति थियो।

कार्यक्रम हिन्दु परिषद नेपाल पर्सा जिल्ला नगर अध्यक्ष श्री श्याम बाबु गुप्ताको अध्यक्षतामा सम्पन्न भएको हो। कार्यक्रमले धार्मिक, सांस्कृतिक र सामुदायिक सद्भावको प्रवर्द्धन गर्दै भक्तजनहरूको उत्साहजनक सहभागितासहित सफलतापूर्वक सम्पन्न भएको थियो।