मुम्बई । सन् २०२५ को पहिलो ठुलो बजेट फिल्म गेम चेन्जर हलमा रिलिज भएको छ । रामचरण र कियारा आडवाणी अभिनीत फिल्मलाई दर्शकहरूले उत्सुकताका साथ पर्खिरहेका थिए ।
त्यसैले गेम चेन्जरका सम्बन्धमा जनवरी महिनामा रिलिज हुने अधिकांश चलचित्रलाई चुनौती दिने बताइएको छ । फिल्ममा रामचरण र कियाराका अलावा अञ्जली, एसजे सूर्या, जयराम, श्रीकान्त र नस्सर जस्ता कलाकारको पनि महत्त्वपूर्ण भूमिका रहेको छ ।
रामचरणको फिल्मले ‘पुष्पा २’ को ओपनिङ डे कलेक्सनलाई नउछिने पनि यो वर्ष रिलिज भएको अहिलेसम्मकै सबैभन्दा धेरै कमाउने फिल्म बनेको छ । सकनिल्कको रिपोर्ट अनुसार गेम चेन्जरले पहिलो दिन भारतमा ५१.२५ करोड भारुको नेट कलेक्सन गरेको छ ।
निर्देशक एस शंकरले गेम चेन्जर मार्फत आफ्ना उत्कृष्ट फिल्महरूको इतिहास दोहोर्याउने प्रयास गरेका छन्। फिल्ममा राजनीतिक ड्रामाबाहेक सस्पेन्स र एक्सनको पूर्ण मिश्रण देख्न सकिन्छ । अहिलेको लागि, यो चलचित्र सप्ताहान्तमा कस्तो प्रदर्शन गर्छ हेर्न रोचक हुनेछ।
गेम चेन्जरको अनुमानित बजेट ४५० करोड रुपैयाँ रहेको बताइएको छ । हलमा रिलिज भएपछि फिल्म पाइरेसी साइटमा पनि लिक भएको छ । यसले फिल्मको बक्स अफिस कलेक्सनमा असर पार्ने अनुमान गरिएको छ । तर, पुष्प २ जस्ता ठुला चलचित्र अनलाइन लिक हुँदा पनि कीर्तिमानी कमाई गरेको इतिहास छ ।
