वीरगञ्ज । मधेश प्रदेशको राजनीति तनावग्रस्त बनेको छ। जनमत पार्टीका अध्यक्ष डा. सीके राउतले कांग्रेस र एमालेले मधेश सरकारलाई कमजोर बनाउन षड्यन्त्र गरिरहेको आरोप लगाएपछि प्रदेशसभामा चर्को बहस भएको छ।
डा. राउतले फेसबुक पोस्टमार्फत गठबन्धन दलहरूलाई सरकार अस्थिर बनाउने आरोप लगाएका थिए। यो अभिव्यक्तिप्रति कांग्रेस संसदीय दलका नेता कृष्णप्रसाद यादवले आपत्ति जनाउँदै प्रमाण पेश गर्न चुनौती दिएका छन्। यादवले डा. राउतको अभिव्यक्ति बिना आधार भएको र गठबन्धनलाई खलल पुर्याउने प्रयास रहेको बताए।
लोकतान्त्रिक समाजवादी पार्टीका नेता उपेन्द्र महतोले पनि डा. राउतको भनाइलाई हास्यास्पद भन्दै तीव्र आलोचना गरे। उनले मुख्यमन्त्री सतिशकुमार सिंहलाई लक्षित गर्दै भने, “प्रदेश हामीलाई चलाउन दिनुस्।”
गठबन्धनभित्र असन्तोष चुलिँदै जाँदा मुख्यमन्त्रीको राजीनामाको मागसमेत उठ्न थालेको छ। डा. राउतको टिप्पणीले गठबन्धनमा गम्भीर विवाद उत्पन्न गराएको र प्रदेश सरकारप्रति असहमति थपिएको छ।
मधेशको यो राजनीतिक विवादले प्रदेश सरकारको स्थिरता चुनौतीमा परेको देखिन्छ।
