मेष (Aries):
कामको मेसो नमिल्दा केही अलमल हुनेछ। छिटो फल प्राप्त गर्ने आकांक्षाले समस्या निम्त्याउनेछ। अरूका लागि बुद्धि र श्रम खर्चनुपरे पनि मिहिनेत गर्दा अध्ययनमा प्रगति हुनेछ। समयतालिका नमिल्दा योजना अधुरै रहनेछ। साँझतिर आफ्ना कामबाट अरूले फाइदा उठाउने चेष्टा गर्नेछन्। खर्चिलो काम थाल्नाले समस्या पर्न सक्छ। प्रतिस्पर्धीहरू सबल बन्नेछन्।
वृष (Taurus):
समयमा निर्णय नलिने बानीले अप्ठ्यारो पार्न सक्छ। प्रक्रिया नमिल्नाले काम दोहोर्याउनुपर्ने हुन सक्छ। बेसुरमा दिइएको वचनले अप्ठ्यारो पर्न सक्छ। अरूको व्यवहारले शंका उब्जाए पनि मान्यजनको सुझाव शिरोधार्य गर्दा फाइदा हुनेछ। साँझतिर स्वास्थ्य कमजोर रहने हुँदा आहारविहारमा ध्यान दिनुहोला।
मिथुन (Gemini):
विभिन्न कामका अवसर प्राप्त हुनेछन्। पेसा–व्यवसायमा फाइदा हुनेछ। भूमि तथा पशुधनबाट लाभ मिल्नेछ। अवसरले उत्साह जगाउने देखिन्छ। साँझदेखि केही घरायसी समस्याले पिरोल्न सक्छ। आफन्त टाढिन सक्छन्। साथीभाइसँग सन्तुलित व्यवहार गर्नुहोला।
कर्कट (Cancer):
अरूको बारेमा चासो राख्दा स्वयं समस्यामा पर्न सकिन्छ। अध्ययन र व्यापारमा सामान्य प्रगति हुनेछ। आफ्ना कमजोरीमाथि टिप्पणी हुने समय रहेकाले सजग रहनुहोला। साँझतिर अरूको मुख ताक्ने बानीले काम रोकिएला। बुद्धिको उपयोगले काम लिन सकिनेछ।
सिंह (Leo):
सोख र हडबडीले समस्या निम्त्याए पनि ज्ञान, कला र व्यक्तित्वमा निखार आउनेछ। मिहिनेतले नाम, दाम र इनाम दिलाउनेछ। पारिवारिक जमघट र स्वादिष्ट खानपानको अवसर मिल्नेछ। साँझदेखि परिस्थिति केही कमजोर बन्न सक्छ। विवादास्पद कामको जिम्मेवारी आउनेछ।
कन्या (Virgo):
खर्च लागे पनि प्रयत्न गर्दा काममा सकारात्मक संकेत प्राप्त हुनेछ। पछिका लागि केही वस्तु त्याग्नुपर्ने हुन सक्छ। साँझतिर पारिवारिक भेटघाटले खुसियाली छाउनेछ। तर अरूको भरपर्दा काम बिग्रन सक्छ। स्वास्थ्यका लागि आहारविहारमा ध्यान दिनुहोला।
तुला (Libra):
प्रशस्त लाभ उठाउने समय छ। रोकिएका काम बन्नेछन्। धनआर्जनमा सफलता मिल्नेछ। कृषि तथा पशुपालनमा त्यति लाभ नभए पनि व्यापारमा फाइदा हुने योग छ। साँझतिर अर्थ संग्रहमा बाधा पुग्नेछ। यात्रा गर्ने अवसर मिल्नेछ।
वृश्चिक (Scorpio):
परिस्थितिको चक्रमा अलमलिनु पर्दा कार्यसम्पादनमा ढिलाइ हुनेछ। चुनौतीपूर्ण जिम्मेवारी आउनेछ। साँझतिर आयआर्जनका नयाँ स्रोत फेला पर्नेछन्। पुरानो समस्या सुल्झनेछ। उपलब्धिले जीवनशैलीमा परिवर्तन ल्याउनेछ।
धनु (Sagittarius):
जिम्मेवारी थपिए पनि स्वास्थ्य कमजोर रहनाले काममा बाधा पुग्न सक्छ। अर्थ–उपार्जनमा केही मन्दी आउनेछ। साँझदेखि स्थितिमा सुधार आउनाले दिगो काम प्रारम्भ हुनेछ। परिश्रमले लोकप्रियता हासिल गर्न सकिनेछ।
मकर (Capricorn):
स्वास्थ्य कमजोर रहनाले चिताएको काम गर्न नसकिएला। न्यून उपलब्धिमा चित्त बुझाउनुपर्ने परिस्थिति देखिन्छ। साँझतिर स्थितिमा सुधार आउनेछ। रोकिएको काम बन्नेछ भने नयाँ जिम्मेवारी प्राप्त हुनेछ।
कुम्भ (Aquarius):
हडबडले काम बिग्रनेछ। धैर्य र मिहिनेतले मात्र फाइदा हुनेछ। मन मिल्ने साथी भेटिन सक्छ। साँझतिर चोटपटकजस्ता आकस्मिक समस्याले सताउन सक्छ। अर्थअभावले काममा बाधा हुनेछ।
मीन (Pisces):
कामको मेसो नमिल्दा अलमल हुनेछ। स्वास्थ्य कमजोर हुनाले अध्ययनमा सोचेको प्रगति नहुन सक्छ। साँझदेखि भौतिक साधन जुट्नाले दिगो काम प्रारम्भ हुनेछ। साहसी काम गरेर लाभ उठाउन सकिनेछ।
