वीरगञ्ज । नेपाली बजारमा आज सुनचाँदीको मूल्य घटेको छ ।

आइतबार प्रतितोला चार सय रुपैयाँ घटेको सुनको भाउ यस दिन प्रतितोला एक हजार दुई सय रुपैयाँ घटेको हो । नेपाल सुनचाँदी व्यवसायी महासङ्घका अनुसार आज छापावाल सुन प्रतितोला एक लाख ४९ हजार तीन सय रुपैयाँमा कारोबार भइरहेको छ ।

आइतबार छापावाल सुन प्रतितोला एक लाख ५० हजार पाँच सय रुपैयाँमा कारोबार भएको थियो । आज चाँदीको मूल्य पनि घटेको छ । आइतबार प्रतितोला एक हजार आठ सय ४० रुपैयाँमा कारोबार भएको चाँदी सोमबार प्रतितोला एक हजार आठ सय १५ रुपैयाँमा किनबेच भइरहेको छ ।

अघिल्लो दिनको तुलनामा प्रतितोला चाँदीको मूल्य २५ रुपैयाँले घटेको हो ।