वीरगंज । नेपालको यू-१९ महिला क्रिकेट टोलीले पहिलो पटक ICC Women’s Under-19 T20 World Cup मा स्थान सुरक्षित गर्दै ऐतिहासिक सफलता हासिल गरेको छ। यो सफलता नेपाली क्रिकेटका लागि महत्वपूर्ण कोसेढुङ्गा बनेको छ। यसमा मधेश प्रदेशका खेलाडीहरूको योगदानलाई कदर गर्दै, मधेश प्रदेश सरकार, खेलकुद तथा समाज कल्याण मन्त्रालयले उनीहरूलाई विशेष सम्मान गर्ने घोषणा गरेको छ।

मन्त्रालयले टोलीमा योगदान दिने हरेक खेलाडीलाई १ लाख ५१ हजार नगद पुरस्कारसहित सम्मान प्रदान गर्ने जानकारी दिएको छ। साथै, खेलाडीहरूको मनोबल उच्च राख्न उनका अभिभावकहरूलाई पनि सम्मान गरिने भएको छ।

खेलकुद तथा समाज कल्याण मन्त्री प्रमोद जैसवालले यो ऐतिहासिक सफलताले नेपाली क्रिकेटलाई नयाँ उचाइमा पुर्‍याउने विश्वास व्यक्त गरे। उनले “बेटी जिन्दाबाद” भन्ने नाराका साथ महिला खेलाडीहरूको सम्मानमा आफ्नो मन्त्रालय प्रतिबद्ध रहेको र यसले आगामी पुस्तालाई प्रेरणा दिने बताए।

मन्त्रालयले आगामी Under-19 Women’s Asia Cup र ICC Women’s Under-19 T20 World Cup मा नेपाली टोलीलाई उत्कृष्ट प्रदर्शनका लागि हार्दिक शुभकामना समेत व्यक्त गरेको छ।