वीरगंज । नेशनल मेडिकल कलेज तथा शिक्षण अस्पताल वीरगंजको आयोजनामा बिहीबार रक्तदान कार्यक्रम सम्पन्न भएको छ। कलेज परिसरमै सम्पन्न उक्त कार्यक्रममा ५ महिला सहित ५७ जनाले रक्तदान गरेको कलेजका ब्लड बैंकले जानकारी दिएको छ।

कलेजका प्रबन्ध निर्देशक शाहानवाज अंसारीको अध्यक्षतामा भएको कार्यक्रममा काजल कुमारी गुप्ता, सुधा कुमारी, स्वकृति साही, मुदिता शाक्य, कामली श्रेष्ठ, निरन्जन कुमार चौधरी, डा. संजय साह, अरसद आलम, जितेश चन्द्र दास, डा. सरोज प्रसाद देव, महमद जुनैद, प्रदीप कुमार चौधरी, मुकेश कुशवाहा, रामजी प्रसाद कुशवाहा, रविन्द्र यादव, राजिव कुमार चौधरी, डा. गुरु प्रसाद मैनाली, नवल किशोर यादवलगायतले रक्तदान गरेका थिए।

“नियमित रक्तदान, स्वास्थ्य हुनुको पहिचान” भन्ने नारासहित गरिएको यस रक्तदान कार्यक्रमको उद्घाटन कलेजका प्रबन्ध निर्देशक अंसारीले गरेका थिए। उद्घाटन समारोहमा अंसारीले रक्तदान जिवन दान भएको भन्दै प्रत्येक १८ वर्ष उमेर पुगेका व्यक्तिले हरेक तीन/तीन महिनामा रक्तदान गर्न सक्ने बताए।

रक्तदान कार्यक्रममा नेशनल मेडिकल कलेजका अस्पताल निर्देशक डा. इशर जहान, कलेजका प्रिन्सिपल डा. के.एन. सिंह, एडमिसन एन्ड मार्केटिङ निर्देशक आविद हुसेन अंसारी, भाइस प्रिन्सिपल प्रा. डा. रविशंकर गुप्ता र नर्सिङ क्याम्पसकी भाइस प्रिन्सिपल बबिता सिंह लगायतको उपस्थिति रहेको थियो।

यसै अवसरमा कलेजले निःशुल्क मधुमेह रोग परीक्षण शिविरको आयोजना गरेको थियो भने रगतसम्बन्धी परीक्षणमा १५ प्रतिशत छुट प्रदान गरिएको जानकारी पनि कलेजले दिएको छ। साथै, विश्व मधुमेह दिवसको अवसरमा बिहीबार अस्पतालका सम्पूर्ण ओपीडी टिकट समेत निःशुल्क गरिएको अस्पतालका प्रशासन शाखा प्रमुख पप्पु सिंहले जानकारी दिए।