वीरगंज । वोल्डलिन्कले छठ पर्वको अवसरमा वीरगंजको प्रसिद्ध घडिअडवा पोखरी वरिपरि निःशुल्क Wifi सेवा र Coffee वितरण गर्दै एक अनौठो सामाजिक पहल सुरु गरेको छ। हिन्दू धर्मावलम्बीहरूको महान आस्थाको पर्व छठलाई मध्यनजर गर्दै यस पहलमार्फत वोल्डलिन्कले स्थानीय समुदायलाई आफ्नो सेवा प्रदान गर्दै उत्सवको अवसरमा थप खुशी र सहयोग फैलाउने प्रयास गरेको छ।

वोल्डलिन्कले आफ्नो छिटो र विश्वसनीय इन्टरनेट सेवासँगै सामाजिक कार्यमा पनि सक्रियता देखाउँदै आएको छ। स्थानीय बासिन्दा र प्रयोगकर्ताहरूले यस पहललाई अत्यन्त स्वागत गर्दै संस्थाको समाजमा योगदान र समर्थनलाई उच्च मूल्याङ्कन गरेका छन्। यस कार्यक्रमको सफलता तथा सञ्चालनमा वीरगंज ब्रान्चका सुपर्भाइजर सन्नी साह र उनका टिमका सदस्यहरूको महत्वपूर्ण भूमिका रहेको छ।

वोल्डलिन्कले विभिन्न अवसरमा खाद्यान्न वितरण र मानवसेवा जस्ता सामाजिक कार्यहरूमा पनि सक्रियता देखाउने गरेको छ, जसले स्थानीय समुदायसँगको सम्बन्धलाई अझ प्रगाढ बनाएको छ। यस प्रकारका कार्यहरूले वोल्डलिन्कको समाजप्रति प्रतिबद्धता र सहयोगको भावना प्रकट गर्छ ।