वीरगंज | प्राकृतिक विपद, दुर्घटना इत्यादिमा उद्धारका लागि खटिने मधेस प्रदेशमा कार्यरत ३५ जना सशस्त्र प्रहरीलाई प्राथमिक उपचारक अनुशिक्षण तालिम दिइएको छ ।वीरगन्ज हेल्थ केयर हस्पिटलको समन्वयमा बाराको पिलवुवास्थित सशस्त्र प्रहरी बल नेपाल नम्बर ४० रिजर्भ हेड क्वाटरमा आयोजित तालिममा सशस्त्र प्रहरी बलका ३५ जना सुरक्षाकर्मीलाई ८ दिने तालिम दिइएको हो ।

बाढी पहिरो,भुकम्प,आगलागी जस्ता प्राकृतिक विपद, सडक दुर्घटना तथा आन्दोलन, प्रदर्शन ईत्यादीमा घाइतेहरुको उद्धारमा खटिने सशस्त्र प्रहरी बलका सुरक्षाकर्मीहरुलाई प्राथमिक उपचार सम्बन्धि तालिम दिइएको वीरगन्ज हेल्थ केयर हस्पिटलकी प्रशासन प्रमुख भूमीका अधिकारीले जानकारी दिइन् ।

उद्धारका लागि खटिएका सुरक्षाकर्मीले उद्धारका क्रममा घाइतेहरुलाई अस्पतालसम्म पुरयाउनुअघि घटनास्थलमै तत्काल प्राथमिक उपचार कसरी गर्ने ? ज्यान जाने जोखिमबाट उनिहरुलाई कसरी बचाउउने ? लगायतका विषयमा अस्पतालका विशेषज्ञ चिकित्स र स्वास्थ्यकर्मीले तालिम दिएको उनले बताइन् ।

यसका साथै आफनो कार्यक्षेत्रमा कार्यरत रहेकै बेला घाइते वा अकस्मात बिरामी हुने आफनै सहकमीर्? सुरक्षाकर्मीलाई पनि तत्कालका लागि प्राथमिक उपचार कसरी गर्ने बारेमापनि उनिहरुलाई तालिम दिइएको वीरगन्ज हेल्थ केयर हस्पिटलका मुटुरोग विशेषज्ञ डाक्टर शाहिद मुर्तुजाले बताए ।

उनका अनुसार, ८ दिने तालिममा घाउ चोट लागेका घाइतेको मलमपट्टी कसरी गर्ने,अचेत भएकालाई होशमा ल्याउन के के गर्ने , ज्व्।रो, रक्तचाप र मुटुको धड्कन कसरी नाप्ने ईत्यादी विषयमा सैद्धान्ति र व्यवहारिक ज्ञान दिइएको हो ।

उक्त ८ दिने आवासीय तालिममा मधेस प्रदेशका १० वटै गण, एउटा बाहिनी र एउटा मुख्यालय गरी १२ वटा ईकाईबाट गरी ३५ जना सशस्त्र प्रहरी बलका सुरक्षाकर्मीको सहभागीता रहेको सशस्त्र प्रहरी बल नेपाल नम्बर ४० रिजर्भ हेड क्वाटर पिलवा बाराका गणपति सशस्त्र प्रहरी उपरीक्षक मोहन बहादुर क्षेत्रीले जानकारी दिए ।उद्धारमा खटिने सशस्त्र प्रहरीका लागि यस्तो प्रकारको तालिम मधेस प्रदेशमै पहिलो पटक भएकोपनि उनले बताए ।

बुधबार तालिमको अन्तिम दिन आयोजित प्रमाणपत्र वितरण समारोहमा बोल्दै सशस्त्र प्रहरी उपरीक्षक क्षेत्रीले प्राकृतिक विपद वा सडक दुर्घटना भएका बेला उद्धारमा खटिदाँ र आफनो कार्यक्षेत्रमै खटिदाँका बखतपनि घाइते र बिरामीको उद्धार गर्ने क्रममा अनेक जटीलताहरु आउने गरेको बताए । त्यस बेला अहिलेको यो तालिमबाट प्राप्त प्राथमिक उपचार सम्बन्धि ज्ञान र सिप निक्कै काम लाग्ने उनले बताए ।

उनले तालिममा सिकेका सिप र ज्ञान सदुपयोग गर्न तालिम लिएका सशस्त्र प्रहरी बलका सुरक्षाकर्मीलाई आग्रहपनि गरे ।
वीरगन्ज हेल्थकेयर हस्पिटलका मुटुरोग विशेषज्ञ चिकित्सक डा.शाहिद मुर्तुजाको प्रमुख आतिथ्यतामा भएको प्रमाणपत्र वितरण समारोहमा हस्पिटलकी प्रशासन प्रमुख भूमीका अधिकारी, मेट्रोन विद्या श्रेष्ठ,सशस्त्र प्रहरी उपरीक्षक क्षेत्री , डा. अनुपम उपाध्याय,डा. कासिम अन्सारी लगायतकाकोपनि सहभागीता थियो ।