धनगढी | कैलालीको धनगढीमा खैरो हेरोइनसहित दुई युवकलाई प्रहरीले पक्राउ गरेको छ। धनगढी उपमहानगरपालिका-७ मनेहरा सिविरबाट २२ वर्षीय नरेश राना र २८ वर्षीय सेवाराम रानालाई २ ग्राम २७० मिलिग्राम खैरो हेरोइनसहित पक्राउ गरिएको हो।

उनीहरूलाई जिल्ला प्रहरी कार्यालय कैलालीबाट खटिएको प्रहरी टोलीले पक्राउ गरेको जनाएको छ। पक्राउ परेका युवकहरूमाथि लागुऔषध कारोबारमा संलग्न रहेको आशंका गरिएको छ, र उनीहरूविरुद्ध आवश्यक अनुसन्धान भइरहेको प्रहरीको भनाइ छ।