बिहार । भारतको बिहार राज्यको मुजफ्फरपुर जिल्लाको एक उच्च विद्यालयमा विद्यार्थीहरूको दुई समूहबिच झगडा हुँदा एक विद्यार्थीको मृत्यु भएको छ । घटनाको जानकारी दिँदै मुजफ्फरपुर ग्रामीण पुलिस अधिक्षक विद्यासागरले समाचार एजेन्सी पीटीआईलाई भने– ‘यो तुरकी हाई स्कुलको मामिला हो । यहाँ कक्षा ११ मा पढ्ने दुई केटाहरूबिच झगडा भएको थियो ।’

‘यो झगडा कक्षाभित्रै भइरहेको थियो । एकातिर मृतक सौरभकुमार र उनका साथीहरू थिए’ जिल्लाका एसपीले भने । झगडाको अर्कोतर्फ उनका साथी प्रह्लाद कुमार भएको र झगडाको क्रममा ओमप्रकाश कुमारले सौरभ कुमारलाई बाँसले हानेको बताइएको छ ।

यसक्रममा उनको टाउकोमा चोट लाग्यो र पछि उनको मृत्यु भयो । दुवैबिच सानातिना कुरालाई लिएर झगडा भएको थियो । दुवै पक्षले कुटपिटको मुद्दामा एफआइआर दायर गरेको बताइएको छ ।