धनगढी | सशस्त्र प्रहरी नं. ३४ गण कैलालीद्धारा १४ लाख मूल्यको अवैध सामान लोड गरिएको राँगासहित ४ वटा गाडा बरामद गरेकाे छ ।

कैलाली जिल्लाको धनगढी उप-महानगरपालिका वडा नं. १० बनकट्टीघाटबाट बिहिवार राति सशस्त्र प्रहरीले १४ लाख बरावरको राँगासहितको गाडामा लोड गरिएको सामानहरू बरामद गरेको प्रहरी नं ३४ गण कैलालीका प्रमुख दलबहादुर पाण्डेले जानकारी दिए ।

उनका अनुसार धनगढी उप-महानगरपालिका वडा नं. १० बनकट्टीघाटस्थित सीमा इलाकामा नेपालबाट अबैध रुपमा भन्सार छली भारततर्फ लैजाँदै गरेको बेवारिसे अवस्थामा रहेको ४ वटा गाडामा पुरानो कवाडी टायर ट्यूवसहित बिशेष सूचनाको आधारमा सशस्त्र प्रहरी बल, नेपाल बि.ओ.पी. जुगेडाबाट सशस्त्र प्रहरी निरीक्षक धन बहादुर नाथको कमाण्डमा खटिएको टोलीले बरामद गरेको हाे ।

बरामद ८ओटा राँगासहितको गाडामा पुरानो कवाडी टायर ट्यूवलाई आवश्यक कारवाहीको लागि कैलाली भन्सार कार्यालय धनगढीमा बुझाइएको छ ।