दिल्लीमा पञ्जाब नेशनल बैंकको शाखामा एक अनौठो चोरीको घटना बाहिर आएको छ। बैंकका कर्मचारीले गल्तीले गलत लकरको चाबी दिएपछि एक आमा(छोरीले लकरबाट गरगहना चोरेर फरार भएका छन्। यस घटनामा संलग्न आमा(छोरीलाई दिल्ली प्रहरीले समातेको छ भने घटनाको अनुसन्धान जारी छ। घटना तब सुरु भयो जब जंगापुरस्थित बैंक शाखामा यशपाल नामका व्यक्तिले सेप्टेम्बर ५ मा आफ्नो लकरबाट गरगहना चोरी भएको भन्दै एफआईआर दायर गरे। उनलाई लकर खोल्न धेरैपटक प्रयास गर्दा पनि सफल हुन नसकेपछि बैंकको लकर इन्चार्जले सेप्टेम्बर ४ मा बोलाएका थिए।

लकर खोल्दा त्यहाँ भएका बहुमूल्य आभूषणहरू गायब थिए, जसले सबैलाई अचम्मित बनायो। जाँचपड़तालका क्रममा, बैंक म्यानेजरले खुलासा गरे कि जुलाई १० मा एक आमा(छोरी लकरको चाबी माग्न आएको बताउँदै उनीहरूलाई गल्तीले यशपालको लकरको चाबी दिइएको थियो। लकर खोल्दा बहुमूल्य गहना देखेपछि ती आमाछोरीले सबै गहना बटुलेर फरार भए। प्रहरीले बैंकका कर्मचारीसँग पनि सोधपुछ गरिरहेको छ कि यो गल्ती मात्र थियो वा कुनै षडयन्त्र। यो घटना बैंकको सुरक्षा प्रणालीमाथि प्रश्न उठाउने खालको बनेको छ। प्रहरीले चोरीमा संलग्न आमा(छोरीलाई पक्राउ गरे पनि बैंकको कर्मचारीको संलग्नताबारे पनि शंका गरिएको छ। कर्मचारीले चाबी झुक्किएर दिएको हो वा यसमा कुनै योजनाबद्ध षडयन्त्र थियो भन्ने अनुसन्धान भइरहेको छ।

बैंकका ग्राहक यशपालले लामो समयदेखि आफ्नो लकर खोल्न नसकेपछि अन्ततः बैंकले लकर इन्चार्जको उपस्थितिमा लकर कम्पनीका प्रतिनिधि बोलाएर लकर खोल्ने प्रयास गरेका थिए। तर जब लकर खुल्यो, लकरभित्र रहेका बहुमूल्य गहना गायब थिए। यो घटनापछि बैंकका कर्मचारीलाई पनि शङ्काको घेरामा राखेर अनुसन्धान सुरु भएको छ। गलत लकरको चाबी दिने बैंककर्मीले के कारणले यशपालको लकरको चाबी ती आमा(छोरीलाई दिएका थिए, यसको स्पष्ट जवाफ खोज्न प्रहरीले निरन्तर प्रयास गरिरहेको छ। प्रहरीका अनुसार, आमा(छोरीले बैंकबाट चाबी लिएर लकर खोलेर सबै गरगहना लुटेर भागेपछि, उनीहरूले सहजै आफूलाई निर्दोष देखाउँदै चाबी फिर्ता गरिदिएका थिए। बैंकका अन्य ग्राहकहरूले पनि यस्ता सुरक्षा कमजोरीले आफ्नो सम्पत्ति सुरक्षामा गम्भीर शंका व्यक्त गरेका छन्। यो घटनाले बैंकिङ सुरक्षा प्रणालीलाई सुधार्नुपर्ने आवश्यकता देखाएको छ।