वीरगंज | अमेरिकाको टेक्सास राज्यमा बजरंगबली हनुमानजीको ९० फिट अग्लो भव्य मूर्ति स्थापना गरिएको छ। यो मूर्ति अमेरिकामा स्थापित सबैभन्दा अग्लो धार्मिक मूर्तिहरूमध्ये एक भएको छ। स्ट्याच्यु अफ लिबर्टी र पेगासस ड्र्यागनका मूर्तिहरू मात्र यसभन्दा अग्लो छन्, जसलाई अमेरिकी इतिहास र संस्कृतिको प्रतीक मानिन्छ।

मूर्ति निर्माणको प्रक्रिया लामो र जटिल थियो, जसमा धेरै महिनाको परिश्रम र अनेकौँ कार्यकर्ताहरू र विज्ञहरूको योगदान समावेश छ। हनुमानको यो भव्य मूर्तिलाई ‘स्ट्याचु अफ युनियन’ नाम दिइएको छ। यस मूर्तिको निर्माणले अमेरिकी भेषमा भारतीय संस्कृतिको अद्वितीय प्रतिनिधित्व गरेको छ र यसलाई सकारात्मक पहलका रूपमा हेरिएको छ।

मूर्ति टेक्सासको सुगर ल्यान्डस्थित श्री अष्टलक्ष्मी मन्दिरमा स्थापना गरिएको छ। यो धार्मिक स्थलले भारतीय समुदायको एकता र सांस्कृतिक समृद्धिको प्रतीकका रूपमा काम गर्ने अपेक्षा गरिएको छ। मूर्तिको अभिषेक समारोहमा हजारौं भक्तजनहरूको उपस्थिति भएको छ र यसलाई भारतीय संस्कृतिका प्रतीकको रूपमा महत्त्वपूर्ण मानिएको छ।

अमेरिकामा धार्मिक विविधता र सहिष्णुताको प्रतीकका रूपमा देखिएको यो मूर्ति सांस्कृतिक आदानप्रदानमा योगदान पुर्याउने आशा गरिएको छ। यसले अमेरिकामा हिन्दू धर्मको योगदानलाई पनि उजागर गरेको छ।