वीरगञ्ज । मातृभाषा र विशेष गरी लोप हुन लागेको भाषाहरूको विकास र संरक्षणका लागि भाषा आयोग र मधेश विश्वविद्यालयबीच समझदारी पत्रमा हस्ताक्षर भएको छ। यो समझदारी भाषा नीति र संस्कृतिसम्बन्धी अनुसन्धान कार्य, नीति निर्माण, र परिवर्तनका प्रयासहरूमा सहकार्य गर्ने उद्देश्यले गरिएको हो।

समझदारी पत्रमा भाषा आयोगका माननीय अध्यक्ष डा. गोपाल ठाकुर र मधेश विश्वविद्यालयका उपकुलपति प्रा. डा. दीपक शाक्यले हस्ताक्षर गरेका छन्। काठमाडौँमा आयोजित एक समारोहका बीचमा यो महत्वपूर्ण सम्झौता सम्पन्न भएको हो।

समझदारी अनुसार, भाषा आयोग र मधेश विश्वविद्यालयले एक अर्काबीच रहेको सीप, ज्ञान, तथा प्राज्ञिक र व्यावसायिक अनुभवहरू साझेदारी गर्नेछन्। यसले क्षमता अभिवृद्धि र व्यावसायिक विकासका लागि सहजीकरण गर्ने कार्यमा पनि मद्दत पुर्याउनेछ।

यस समझदारीले मातृभाषा संरक्षण र भाषाविज्ञानमा अनुसन्धान कार्यलाई प्रोत्साहित गर्नेछ। साथै, भाषा नीति र संस्कृतिसम्बन्धी नयाँ उपायहरू खोज्न, तिनीहरूको कार्यान्वयन गर्न, र नीति परिवर्तनका प्रयासहरूमा पनि योगदान पुर्याउनेछ।

समारोहमा विभिन्न प्रतिष्ठित व्यक्तिहरूको उपस्थिति रहेको थियो। यो सम्झौता मातृभाषा संरक्षण र विकासको क्षेत्रमा महत्वपूर्ण माइलस्टोन भएको भाषाविद्हरूले बताएका छन्।