वीरगंज । वीरगंज लगायत जीतपुर सिमरा क्षेत्रमा बि 2 पानीको कूल वाटर डब्बामा फोहर भेटिएकोले यसले उपभोक्ताहरुको स्वास्थ्यमा गम्भीर संकट निम्त्याएको छ। उपभोक्ताहरुले सिल खोल्दा पानीमा किराजस्तो पदार्थ भेटिएको बताएका छन्, जसले गर्दा पानीको गुणस्तरप्रति गम्भीर शंका उत्पन्न भएको छ।
बि 2 पानी उत्पादन गर्ने कम्पनी जीतपुर ७ मा अवस्थित छ। उपभोक्ताहरुले भने, यो भन्दा पहिला पनि एक पटक पानीको डब्बामा किरा निस्केको घटना भएको थियो। यस्ता घटनाहरु दोहोरिरहँदा स्थानीय जनतालाई गुणस्तरहीन पानी पिउन बाध्य पारिएको छ।
सिलपैक गरिएको पानीको डब्बामा यसरी फोहोर भेटिनुले कम्पनीको गुणस्तर मापदण्डप्रति लापरवाही भएको देखिन्छ। वीरगंज र जीतपुर सिमरा क्षेत्रमा यो पानीको प्रमुख रुपमा वितरण भइरहँदा स्थानीय जनतालाई उच्च गुणस्तरको पानी पिउने अधिकारबाट वञ्चित गरिएको छ।
स्वास्थ्य तथा सरसफाईको मापदण्ड पालना नगरी उत्पादन गरिएको बि 2 पानीले उपभोक्ताहरुको स्वास्थ्यमा ठूलो जोखिम पुर्याउन सक्छ। सिल खोल्दा पानीमा फोहोर भेटिनुले स्वास्थ्यसँग खेलवाड भइरहेको स्पष्ट भएको छ। यस घटनाले स्थानीय स्वास्थ्य निकायहरुको ध्यानाकर्षण गराउँदै आवश्यक छानबिन र कारबाहीको माग गरिएको छ।
स्थानीय उपभोक्ताहरुले बि 2 पानी कम्पनीसँग सम्बन्धित यस प्रकारको लापरवाहीलाई तत्काल सुधार गर्न आग्रह गरेका छन्। साथै, उपभोक्ताहरुले आफ्नो स्वास्थ्यप्रति संवेदनशील रहन र यस्ता उत्पादनहरुलाई प्रयोग गर्न नदिने चेतावनी समेत दिएका छन्। गुणस्तरहीन पानीको वितरणलाई रोक्न र उपभोक्ताहरुको स्वास्थ्यलाई सुरक्षित राख्न सम्बन्धित निकायहरुले तत्काल कदम उठाउनु आवश्यक छ।
बि 2 पानीको यस किसिमको लापरवाहीले उपभोक्ताहरुमा गम्भीर निराशा उत्पन्न गराएको छ र सम्बन्धित निकायहरुलाई तत्काल कारबाही गर्न दवाब बढाएको छ।
