वीरगञ्ज । पाँच वर्षदेखि फरार कर्तव्य ज्यान मुद्दामा संलग्न प्रतिवादीलाई पर्सा प्रहरीले पक्राउ गरेको छ । पर्साको पकाहमैनपुर गाउँपालिका वडा नम्बर ४ बस्ने ४० वर्षीय समसोदिन मियाँलाई प्रहरीले विशेष सूचनाको आधारमा पक्राउ गरेको हो ।

१९ असोज २०७६ सालमा पर्साको पकाहमैनपुर गाउँपालिका वडा नम्बर ४ धोविया टोल बस्ने नसुरदिन मियाको घरमा सोरियम खातुनलाई कुटपिट गरी हत्या गरेका प्रतिवादी पक्राउ परेको पर्साका प्रवक्ता प्रहरी नायब उपरीक्षक दिपक भारतीले जानकारी दिए ।

उनकाअनुसार मियाँलाई आफ्नै घरमा लुकिछिपी बसेको अवस्थामा पक्राउ गरिएको हो । मियाँ विरुद्ध पर्सा जिल्ला अदालतबाट पाँच दिनको म्याद थप अनुमति लिई थप अनुसन्धान भइरहेको प्रहरी नायब उपरीक्षक भारतीले बताए ।