वीरगञ्ज । भारततर्फ जाँदै गरेका दुई किशोर र दुई किशोरीको सशस्त्र प्रहरी र माइती नेपालले संयुक्त रूपमा उद्धार गरेको छ ।

सशस्त्र प्रहरी रेल्वे सुरक्षा बल धनुषा र माइती नेपाल धनुषाले भङ्गहा जनकपुर जयनगर रेल्वेबाट भारत जादै गरेको अवस्थामा जनकपुरधाम रेल्वे स्टेसनबाट उनीहरूको उद्धार गरेका हुन् ।

सिरहाको कर्जन्हा नगरपालिका वडा नम्बर ४ बन्दीपुरकी १७ वर्षीय अनुकुमारी मुखिया, कर्जन्हा नगरपालिका वडा नम्बर ३ टिकापुरकी १५ वर्षिय सरस्वती दास र कर्जन्हा नगरपालिका वडा नम्बर ३ का १८ वर्षका शिवशेखर मुखिया र कर्जन्हा नगरपालिका वडा नम्बर ३ का संजयकुमार दासलाई उद्धार गरिएको सशस्त्र प्रहरी नम्बर ८ गण धनुषाका एसपी दर्शन गिरीले बताए । उद्धार गरिएका युवक र युवतीलाई जिल्ला प्रहरी कार्यालय धनुषाको जिम्मा लगाइएको छ ।