वीरगन्ज । पर्साको बैररियामा बिहीबार राति दुईवटा मोटरसाइकल आपसमा ठोक्किएर भएको दुर्घटनामा एक जनाको मृत्यु भएको छ । अरु तीन जना घाइते भएका छन् ।
मृत्यु हुने पर्साकै वीरगन्ज महानगरपालिका वडा नम्बर १९ केहुनियाँका २२ बर्षिय इरफान मियाँ रहेका छन् ।प्रहरीका अनुसार,पोखरिया नगरपालिका वडा नम्बर ९ बैरियामा मधेस प्रदेश ०३–०३१ प ९६७५ नम्बरको मोटरसाइकल र ना २८ प ९४४३ नम्बरको मोटरसाइकल बिहीबारराति सवा १० बजे आपसमा ठोकिएका थिए ।
दुर्घटनामा मधेस प्रदेश ०३–०३१ प ९६७५ नम्बरको मोटरसाइकलमा सवार मियाँको मृत्यु भएको पर्साका प्रहरी प्रवक्ता प्रहरी नायब उपरक्षिक कुमार विक्रम थापाले जानकारी दिए ।दुर्घटनामा गम्भीर घाइते भएका उनलाई उपचारका लागि वीरगन्जको नीलकण्ठ अस्पतालमा ल्याउने क्रममा बाटोमै मृत्यु भएको थापाले बताए ।
उक्त दुर्घटनामा घाइते भएका मधेस प्रदेश ०३–०३१ प ९६७५ नम्बरको मोटरसाइकलका चालकसहित सवार ३ जना घाइते भएका छन् । ति मध्ये उक्त मोटरसाइकलका चालक वीरगन्ज–१९ केहुनियाँकै ३५ बर्षिय रामु पासवान अवस्था गम्भीर रहेको र उनको परवानीपुरको एलएस न्यूरो अस्पतालमा उपचार भइरहेको थापाले जानकारी दिए ।
ना २८प ९४४३ नम्बरको मोटरसाइकलका चालक आशीष कुमार गुप्तालाई भने प्रहरीले नियन्त्रणमा लिएर राखेको थापाले बताए ।
