वीरगन्ज | बाराको सिमरास्थित जगदम्बा स्टिल उद्योगमा कार्यरत एक मजदुरको मृत्युु भएको छ । मृत्यु हुनेमा वीरगन्ज महानगरपालिका वडा नम्बर ३१ का भुलन चौधरी रहेका छन् ।उनि जगदम्बा स्टिलकाे वर्कसपमा कार्यरत थिए ।

मंगलबार उद्योग परिसरभित्रै काम गरिरहेकाे अवस्थामा चौधरी अचानक ढलेपछि उपचारका लागि परवानीपुरस्थित एलएस न्युरो अस्पतालमा पुर्याइएकाे थियाे।त्यहि उपचारको क्रममा उनकाे मृत्यु भएको उद्योग प्रशासनले जनाएको छ ।

मृतकका भतिज श्रीराम चौधरीले ब्रेन ह्याम्रेर्जका कारण उनको मृत्यु भएको उद्योग प्रशासनले जनाएको बताएका छन् ।

चौधरीको मृत्युपछि उद्योग प्रशासनले मृतक परिवारलाई १० लाख रुपैयाँ क्षतिपूर्ति र ५० हजार रुपैयाँ क्रिया खर्च दिने सहमति भएको छ ।