वीरगञ्ज । सशस्त्र प्रहरी बल नेपाल १३ नम्बर गणका गणपतीको जिम्मेवारी सशस्त्र प्रहरी उपरीक्षक राधेश्याक धिमालले सम्हालेका छन् ।
किसन कर्माचार्यको वीरगञ्जबाट सरुवा भएपछि पर्सामा सशस्त्र प्रहरी उपरीक्षक धिमाल आएका हुन् ।
सशस्त्र प्रहरी प्रधान कार्यालयमा रहेका धिमालले २०६० सालमा सशस्त्र प्रहरी निरीक्षकबाट सेवामा प्रवेश गरेका थिए ।
४ भदौ २०८० मा सशस्त्र प्रहरी उपरीक्षकमा बढुवा भएका उनी सशस्त्र प्रहरी बल (एपीएफ) को स्टाफ तथा कमाण्ड कलेजको छनौट परीक्षाको लिखित उत्तीर्ण गर्ने दस जना भित्र थिए । उनले सशस्त्र प्रहरी नायब उपरीक्षक (डिएसपी) भएको बेला उक्त परीक्षा उत्तीर्ण गरेका थिए ।
डिएसपी भएको बेला उनले अछामको सशस्त्र प्रहरी खप्तड गुल्म साँफे बगरको प्रमुखको जिम्मेवारीसमेत सम्हालेका थिए ।
